Shkolla e MagjistraturësShkolla e Magjistraturës, më datë 18 mars 2025, zhvilloi aktivitetin trajnues me temë: “Korrupsioni, shpërdorimi i detyrës, shkelja e barazisë në prokurime, marrëdhëniet seksuale apo homoseksuale duke shpërdoruar detyrën, kufijtë ndarës dhe dallimet e këtyre veprave penale. Kompetenca lëndore e prokurorisë dhe gjykatës për hetimin, gjykimin dhe ekzekutimin e dënimeve penale të korrupsionit”, pranë ambienteve të Shkollës së Magjistraturës, në Tiranë.
Ky aktivitet u drejtua nga:
Ekspertë: Irena Gjoka dhe Engert Pëllumbi
Lehtësues: Manjola Kajana
Qëllimi i këtij trajnimi është: Thellimi i njohurive mbi konceptet dhe kornizën ligjore; Forcimi i aftësive praktike në hetimin dhe gjykimin e këtyre veprave; Qartësimi i kompetencës lëndore të prokurorisë dhe gjykatës; Zbatimi i standardeve ndërkombëtare dhe krahasimi me praktikat më të mira.
Trajnimi u realizua duke ndërthurur prezantimet (deri në 20-30 min) me diskutimin e çështjeve të shtruara (pyetjeve vetë studimore; pyetje-përgjigje) dhe ushtrimeve me raste praktike & kuize, për të nxitur dhe realizuar ndërveprimin aktiv të pjesëmarrësve.
Gjatë këtij aktiviteti trajnues u trajtuan tema të ndryshme, si:
- Korrupsioni aktiv dhe pasiv (Nenet 244 – 260 të Kodit Penal);
- Shpërdorimi i detyrës, dallimet dhe të përbashkëtat e tij me korrupsionin (Neni 248 KP)
- Krimet seksuale të kryera nga personat që ushtrojnë funksione publike (Nenet 105 KP) ;
- Analizë e rasteve praktike, jurisprudencës vendase dhe të huaj dhe sfidat në provueshmëri;
- Shkelja e barazisë në tendera dhe prokurime publike (Neni 258 KP);
- Shpërdorimi i detyrës, dallimet dhe të përbashkëtat e tij me shkeljen e barazisë në tendera dhe prokurime publike;
- Kompetenca lëndore e SPAK dhe Gjykatës së Posaçme në hetimin dhe gjykimin e veprave penale që lidhen me korrupsionin.
Në këtë aktivitet trajnues morën pjesë prokurorë dhe oficerë të policisë gjyëqësore të Republikës së Shqipërisë.
